Parineeti Chopra Raghav Chadha Marriage: बॉलिवूड चाहत्यांसाठी 24 सप्टेंबर हा दिवस खास असणार आहे. या दिवशीआप नेते राघव चड्ढा हे अभिनेत्री परिणीती चोप्राला आपली वधू बनवणार आहेत. उदयपूरच्या लीला पॅलेसमध्ये दोघेही लग्न करणार आहेत. कुटुंबीय, नातेवाईक आणि पाहुण्यांच्या उपस्थितीत हे जोडपे सात फेरे घेणार आहेत. हे लग्न एका भव्य महालात होणार आहे. परिणीती आणि राघवने उदयपूरमधील लीला पॅलेसला लग्नाचे ठिकाण का निवडले? त्यामागचे कारण म्हणजे हे ठिकाण निसर्गाच्या कुशीत आहे. हे हॉटेल पिचोला तलाव आणि चारही बाजूंनी अरवली पर्वतांनी वेढलेले आहे.
या हॉटेलचे महाराजा आणि रॉयल स्वीट्स सर्वात महाग आणि खास आहेत. हे दोन्ही सूट इतके मोठे आहेत की त्यांच्या बरोबरीचे बंगले बांधता येतील. रॉयल सूटमध्ये सोनेरी घुमट आहे. यासोबतच काचेपासून बनवलेली टिकरी कला आहे, जी मेवाडची संस्कृती दर्शवते. ही कलाकृती भिंतींवर आणि बाल्कनींवर पाहायला मिळते.
राघव आणि परिणीतीचे लग्न 24 सप्टेंबरला होणार आहे. याआधी राघवचे लग्न पिचोला तलावाच्या मध्यभागी असलेल्या हॉटेल ताजमध्ये होणार आहे. यानंतर राघव चढ्ढा आपली वधू परिणीती चोप्रासोबत हॉटेल ताज येथून निघेल. दोघेही बोटीने लीला पॅलेसला पोहोचतील. त्याची संपूर्ण तयारी जोरात सुरू आहे. बोटीच्या सजावटीतही मेवाडची संस्कृती पाहायला मिळेल, असे बोलले जात आहे. तसेच या रॉयल पॅलेसचे एका रात्रीचे भाडे तब्बल 10 लाख रूपये आहे.
लीला पॅलेस हॉटेल पिचोला तलावाजवळ आहे. त्याच्या सूटमधून तलाव, हॉटेल ताज आणि सिटी पॅलेस पाहता येतो. वधू-वरांव्यतिरिक्त, पाहुण्यांसाठी बुक केलेले सुइट्स देखील अतिशय सुंदर शैलीत बनवले आहेत. या हॉटेलमध्ये तीन खास लग्नस्थळे आहेत. मेवाड, मेवाड टेरिस आणि मारवाडमध्येही विवाह विधी होतील. या हॉटेलच्या खोल्या 8 श्रेणींमध्ये विभागल्या आहेत. महाराजा, रॉयल, डुप्लेक्स, ग्रँड हेरिटेज लेक व्ह्यू आणि ग्रँड हेरिटेज गार्डन व्ह्यू.
महाराजा स्वीटमध्ये लिव्हिंग रूम आणि स्टडी रूम आहे. एक मास्टर बेडरूम, जेवणाचे क्षेत्र आणि स्वतंत्र वॉक-इन वॉर्डरोब देखील आहे. यात किंग साइज बाथटबसह मसाज पार्लर आणि तलावाच्या किनारी दृश्यासह एक पूल देखील आहे. ग्रँड हेरिटेज व्ह्यू बाल्कनी रूम देखील त्याच्याशी संलग्न आहे.
रॉयल सूटबद्दल बोलायचे झाले तर ते 1800 स्क्वेअर फूटमध्ये बांधले आहे. तिसर्‍या मजल्यावरून अरवली पर्वत आणि पिचोला तलाव एकत्र दिसतो. त्याच्या खोलीच्या भिंती मेवाडच्या खास टिकरी कलेने सजलेल्या आहेत. त्याचे घुमट आणि संगमरवरी सोन्याच्या कलाकृतींनी सजवलेले आहेत. यात मास्टर बेडरूम, संगमरवरी बाथरूम आणि जकूझी आहे.
जर आपण डुप्लेक्स सूटबद्दल बोललो तर ते 1270 स्क्वेअर फूटमध्ये बांधले आहे. दिवाणखान्यात भारतीय कलाकृती आहे. लिव्हिंग रूम देखील पूलशी जोडलेले आहे. येथून तुम्ही सिटी पॅलेस आणि इतर हेरिटेज इमारती पाहू शकता. यात एक मास्टर बेडरूम आणि वॉक-इन शॉवर आणि बाथटबसह स्नानगृह आहे. यामध्ये तुम्हाला रॉयल्टी पाहायला मिळते कारण या सूटमध्ये स्वतंत्र वॉर्डरोब आणि व्हॅनिटी काउंटर आहे.
लक्झरी सूटबद्दल बोलायचे झाले तर ते 960 ते 1250 स्क्वेअर फूटमध्ये बनवले आहे. त्यात एक लिव्हिंग रूम आणि एक स्टाइलिश बेडरूम आहे. बाथरूममध्ये वॉक-इन शॉवर स्टॉल आणि बाथटब आहे, जिथून तुम्ही पिचोला तलाव पाहू शकता.
हे पण वाचा: आलिया-रणवीरचा ‘रॉकी और रानी की प्रेम कहानी’ चित्रपट ओटीटीवर रिलीज, जाणून घ्या घरबसल्या येणार का पाहता?